သတ္တဝါအပေါင်း စိတ်ချမ်းသာ၊ ကိုယ်ကျန်းမာကြပါစေကြောင်း ဆုတောင်း မေတ္တာပို့သပါတယ်.........

Thursday, July 28, 2016

အိမ်ကလေးဆီ ...။

မြေ၁-ဧကအကျယ်ပေါ်တွင် ဆောက်ထားသော အိမ်ထဲမှ ခိုးခိုးခစ်ခစ်ရလး ပျံ့လွင့်နေသည်။ သဘောတကျရယ်နေလိုက်တာများ ပတ်ဝန်းကျင်တိတ်ဆိတ်မှူကြောင့် ထင်ပါရဲ့၊ ကလေးငယ်ရယ်သံကို ချိုလွင်လွင်ကို ကြားနေရသည်။ ပြီးနောက် အမျိုးသမီးအသံတစ်ခု ခပ်တိုးတိုးကြားရမည်။ ထိုမှ ထိုမှ ...။ယ်သံေ

ရန်ကုန်မြို့ပြရဲ့ ဆူညံမှူတွေ ဝေးရာ အေးချမ်းသော ပတ်ဝန်းကျင်တစ်ခုတွင် ချစ်စရာစိတ်ကူးဖြင့် ဆောက်ထားသော အိမ်ကလေးတစ်လုံးရှိလေသည်။ ခြံကျယ်ကျယ်တွင် လွတ်လပ်စွာ ဆော့ကစားနေသော မွှေးဖါးဖါး အရပ်မြင့်မြင့် ခွေးကြီး ၂-ကောင်မြင်တွေ့ရမည်၊ နေရောင်ခြည်အောက်တွင် နေပူဆာလှုံနေသော ကြောင်မကြီးနဲ့ သူ့ကလေးငယ်များကလည်း သူတို့နေဖို့သတ်မှတ်ပေးထားသော နေရာတွင် အိပ်နေကြတာမြင်တွေ့နိုင်ပါမည်။

အိမ်၏ ခပ်လှမ်းလှမ်းတွင် အိမ်ငယ်သေးသေးတစ်လုံးရှိလေသည်။ ထိုအိမ်လေးကို ကစ်တီဟောက်စ်လို့ အမည်ပေးထားလေသည်။ ကလေးငယ်များ လွတ်လပ်ပေါ့ပါးစွာ ဆော့ကစားနိုင်ဖို့ဖြစ်သည်။ ကလေးအတွက် ရည်ရွယ်ဆောက်ထားသည်ဖြစ်၍ ထိုအိမ်ကလေးတွင် ကလေးတွေ အန္တရာယ်ဖြစ်စရာမရှိရအောင် ကြိုတင်စီစဉ်ကာ ဆောက်လုပ်ထားခြင်းဖြစ်ပါသည်။ ထိုအိမ်ကလေးတွင် ကလေးငယ်များ စိတ်ကြိုက် ဆော့ကစားနိုင်ရမည်၊ ခေတ်ပေါ်နည်းပညာများကို အသုံးမပြုစေပဲ လွတ်လပ်ပေါ့ပါးစွာ ဆော့ကစားဖြင်းဖြင့် ကာယအား ဥာဏအားတွေ ရရှိစေရမည်။ လွတ်လပ်စွာ ပျော်ရွှင်ရယ်မောခြင်းကို သိနားလည်စေရမည်။ ကလေးတစ်ဦးနှင့်တစ်ဦး ပျော်ရွှင်စွာ ဆော့ကစားခြင်းဖြင့် ရရှိနိုင်မည့် နားလည်စာနာကူညီမှူများကို ကလေးဘဝကတည်း ကောင်းမွန်စွာ သိနားလည်ထား လေ့ကျင့်ပြီးသားဖြစ်နေမည်။ လူသားတစ်ဦးဘဝတွင် အရေးကြီးဆုံးဖြစ်သည့် ကလေးဘဝကပင် တစ်ဦးနှင့်တစ်ဦး အတ္တမာန ခဝါချကာ စာနာနားလည်မှုရှိသူ၊ ရိုင်းပင်းကူညီစိတ်ဖြင့် စိတ်သဘောထားပြည့်ဝသော လူသားကလေးများအဖြစ် အလေ့အကျင့်ဖြစ်စေမည်။
ခြံကျယ်ကျယ်ထဲတွင် ဝါးပင်များသည်လည်း လေနှင်ကာ ယိမ်းကြရင်း၊ ဝါးရွက်သံကလေးများ၏ လှုပ်ခတ်သံကို အိမ်ကလေးဆီမှ နားဆင်နိုင်မည်။ အိပ်ခန်းဘေးတွင် ဝရံတာထွက်ရပ်လိုက်သည်နှင့် လသာသော ညများတွင် ကောင်းကင်မှ လမင်းကြီး၏ လရောင်ဆမ်းသော ညချမ်းကို လျှပ်စစ်မီးပိတ်၍ ခံစားနိုင်မည်။ ထိုအခါ ကလေးငယ်က လကလေး တိမ်ထဲ ပုန်းအိပ်သွားရင် ဘယ်ချိန်ပြန်နိုးမလဲဆိုသော မေးခွန်းကို သူမဖြေဖို့ စဉ်းစားမည်၊ အဖြေပေးရမည်။

ဘုရားခန်းကို ဝင်လိုက်သည်နှင့် အေးချမ်းမှုတို့ ခံစားတို့ထိစေမည်၊ သပ်ရပ်အေးချမ်းလှသော ဘုရားခန်းတွင် မြတ်စွာဘုရားသည် ငြိမ်းချမ်းစွာ စံပါယ်တော်မူနေမည်။ ဘုရားခန်းအနီးတွင် စာကြည့်ခန်းတစ်ခု သီးခြားထားမည်။ စာဖတ်ချိန်နှင့် တရားအားထုတ်ချိန်သည် ကာယကံရှင်အတွက် တိတ်ဆိတ်မှုလိုအပ်သည်။ ဒါကြောင့် ဘုရားခန်းနှင့် စာကြည့်ခန်းသည် မနီးမဝေးတွင် ရှိနေမည်။ ဆိတ်ငြိမ်သောဘုန်းခန်းတွင်းမှ ပန်းရနံ့တို့က အေးမြသော လေဆောင်ရာ တချက်ပျံ့လွင့်နေပြီး ခြံဝင်းအတွင်း အလှချိတ်ထားသော ဆွဲလည်သံလွင်လွင်ကိုပါ ကြားနိုင်မည်။ ခြံထဲသို့ ငုံ့ကြည့်လိုက်ရင် အဖြူရောင် ဒန်းကလေးတစ်ခုလည်း လှမ်းတွေ့ရမည်။

အိမ်၏ အပေါ်မှ ကြည့်လျှင် ဇီဇဝါ၊ ဆလပ်ပန်း၊ ယုဇနပန်း၊ သနပ်ခါးပန်း၊ နှင်းဆီနှင့် လီလီပန်းများသည် သူ့ရာသီနှင့်သူ တလှည့်ဆီ ဖူးပွင့်နေကြမည်။ သစ်ခွပန်းရုံကို အပင်မြင့် အောက်တွင် အရိပ်ကောင်းရအောင် ကြံဆောင်ထားရမည်။ ပန်းပင်များ ရေဝဝရဖို့အတွက် အဝီစိတွင်းက ရေကို မပြတ်အောင် စီမံထားပြီး ခြံစိုက်ဝါသနာပါသော ဝန်ထမ်းတစ်ယောက်က ခြံအတွက် ပန်းပင်များ နေရာချထားရေး၊ ရှင်သန်ရေးနှင့် သန့်ရှင်းရေးအတွက်ကိုပါ တာဝန်းပေးရမည်။

ဧည့်ခန်းတွင် ခပ်တိုးတိုး ပျံ့လွင့်နေသော ဂီတသံစဉ်ကို နားဆင်နိုင်မှာဖြစ်ပြီး၊ အလှထားပန်းအိုးများနှင့် ခန်းစည်းများက အိမ်ကျက်သရေကို ပိုတိုးစေမည်ထင်၏။ အိပ်ခန်းများတွင်လည်း ညပိုင်း အိပ်စက်အနားယူချိန် လျှပ်စစ်ပစ္စည်းများ၏ အနှောင့်အယှက်ကင်းဝေးရန် စီစဉ်ထားသည်။ ချမ်းမြေ့ဖွယ်ကောင်းသော အိမ်ကလေးတွင် လူကြီးများနှင့် ကလေးများအတွက် ကျန်းမာရေးကောင်းစေရန် လေဝင်လေထွက်ကောင်းသော၊ သဘာဝရသများ ခံစားနိုင်စေပြီး စိတ်ကြည်နူးချမ်းမြေ့ဖွယ် အနားယူနေနိုင်ဖို့ အထူးစီမံဆောက်လုပ်ထားလေသည်။ ထိုအိမ်တွင် ကလေးများ ပျော်ရွှင်ကျန်းမာနေကြမည်၊ လူကြီးများ ချမ်းမြေ့ပျော်ရွှင်နေကြမည်၊ ခွေးနဲ့ကြောင်ကလေးများ လွတ်လပ်ဆော့ကစားနေလေသည်။


ပြီးတော့ ဘာထပ်ထည့်ချင်သေးလဲ သမီးးးး
တော်ပီလေ ဒီလောက်ဆို တော်တော်လှနေပြီထင်တယ် တီတီ
အေး ဟုတ်တာပေါ့ သမီးနေမယ့် အိမ်ကလေး တော်တော်လှသွားပြီနော်။ 
ဟယ် ..ဘယ်မှာလဲ ပြပါအုံး ဘွား .. ကြည့်စမ်းမယ် 
ဟင် .. ဘာမှလည်း ဆွဲမထားဘူး တောင်ခြစ် မြောက်ခြစ်။ ဘွားက အဟုတ်မှတ်လို့။ ဟိဟိ ခိခိ ...။


တခါက ကျမသည် မူကြိုတက်နေသော တူမနှင့်အတူ ပန်းချီဆွဲကူ ကစားရင်း
သူမစိတ်ကလေးဆီ ချဉ်းကပ်ကြည့်ရင်း ..
ကိုယ်ဖြစ်စေချင် သိစေချင်တာလေးလဲ ထည့်ပြောရင်းဖြင့်

သဘာဝကို ချစ်တတ်သော ကလေးတစ်ဦးဖြစ်စေချင်ပြီး၊ အေးချမ်းပျော်ရွင်ဖွယ်ကောင်းသော အိမ်ကလေးတစ်ခုဆီ စိတ်ကူးနှင့် ဆွဲခေါ်သွားမိလေသည်။ ထိုအခါ မလှမ်းမကမ်းတွင်ရှိသော ကလေးငယ်၏ ဘွားဘွားကြီးသည် အိမ်ကလေး၏ ခမ်းနားမှုကို အသံကြားကာ စိတ်ဝင်စားခြင်းများဖြင့် ပန်းချီကားကို အလွန်လှအံ့ထင်ပြီးနောက် ဆွဲယူကြည့်ခြင်းဖြစ်သည်။

ရယ်သံချိုလွင်လွင်ကို ယခုတိုင် သူမကြားယောင်နေပါသည် ...။


တခါတုန်းက အိမ်ကလေးဆီ...။

ခင်မင်လေးစားစွာဖြင့်
ခရစ္စတလ်