သတ္တဝါအပေါင်း စိတ်ချမ်းသာ၊ ကိုယ်ကျန်းမာကြပါစေကြောင်း ဆုတောင်း မေတ္တာပို့သပါတယ်.........

Friday, January 28, 2011

“အသက်ကို ဥာဏ်စောင့်၏”

မြတ်စွာဘုရားမျက်နှာတော်ပုံလေးကို မြင်ရင်
ဘယ်ဆိုဒ်မယ် တင်ထားတယ်ဆိုတာ အချို့က သိကြမည်...

လွန်လေပြီးသော ဆယ့်လေးနှစ်ကျော်ခန့်က ကရုပ်လေးသည် သူမ၏ အိမ်ပေါ်တွင် မတော်တဆ ခလုတ်တိုက်မိရာမှ စားပွဲထောင့်စွန်းနဲ့ ဝမ်းဗိုက်နေရာသို့ အရှိန်ပြင်းစွာ ဆောင့်မိလေသည်။ ထိုသို့ ဖြစ်ပွါးပြီး တစ်ပတ်ခန့်အကြာ သူမသည် မနက်စာ စားသောက်ပြီး ကုတင်ပေါ်ရှိ အဘွားနံဘေး၌ ခေတ္တလဲလျောင်းနေစဉ် ဝမ်းဗိုက်နေရာတဝိုက်တွင် တခါမှ မခံစားရဖူးသော နာကျင်မှုဝေဒနာမျိုးခံစားရင်း ညည်းငြူမိလေ၏၊ သူမ၏ ကြီးဒေါ်က ပရုပ်ဆီလိမ်းခိုင်းပါသော်လည်း ဝေဒနာသည် မသက်သာပဲ သာ၍ပင် ဆိုးလာလေသည်။ ထိုမှ တဖန် ကုတင်ပေါ်မှ ဆင်းကာ အိမ်ရှေ့သို့ ထွက်အလာတွင်ပင် ဝမ်းဗိုက်တစ်နေရာမှ ပြင်းထန်စွာ နာကျင်ရင်း ဆောင့်ဆွဲခံလိုက်ရသကဲ့သို့ တစ်စုံတစ်ခု ပြုတ်ထွက်သွားသကဲသို့ဖြစ်ကာ ခွေခွေလေး လဲကျသွားပါတော့သည်။

“ဤဇာတာရှင်သတို့သမီးလေးသည် ကျန်းမာရေး အလွန်ချူချာလေမည်၊ သူမသည် မရဏဖွားဖြစ်သည့်အလျောက် ငယ်စဉ်တွင် သေ၊ မသေသော် သူတစ်ထူးဖြစ်လိမ့်မည်ဟု” သူမငယ်စဉ်က ဤသို့ ဇာတာဖတ်ကြလေသည်။ ထိုမှ တဖန် လက္ခဏာကြည့်တတ်သူများက အသက်လမ်းကြောင်းတွင် ကျွန်းခံနေသောကြောင့် အသက်လုရဖွယ် ခွဲစိတ်ခြင်းခံရမည် ဆိုကြပြန်၏။

ထိုထိုသောအနှီလူကြီးမင်းများ ပြောစကားသည် ဟုတ်သည်ဖြစ်စေ၊ မဟုတ်ဖြစ်စေ ကရုပ်လေးသည် သေခြင်းတရားကို သိတတ်စအရွယ်မှ စ၍ အမြဲလိုလို တစ်ယောက်တည်း မကြာခဏ သေကြည့်လေ၏။ သေလျှင် ဘာဖြစ်မည်နည်း၊ အဘယ်သို့သောတရားသည် ဝေဒနာများကို ကျော်လွှားနိုင်မည်နည်း။ မသေခင်ဘာဖြစ်နည်း။ မသေခင် ဘယ်ကဲ့သို့ ကျင့်ကြံနေထိုင်ရမည်နည်း၊ မသေခင် ဘာလုပ်ရမည်နည်း၊ စသည်တို့ကို အဖန်ဖန်တွေးတောနေလေ့ရှိသူဖြစ်၏။

ထိုသို့တွေးတောပြီးနောက် အဖြေရှာ၏၊ လေ့လာ၏၊ လေ့ကျင့်၏၊ ပြင်ဆင်၏။ ထိုအခါသမယသည် သူမ၏ တစ်နှစ်သော မွေးနေ့မတိုင်မီ ခြောက်ရက်မြောက်တွင် ကျရောက်လာခဲ့ပါတော့သည်။ သူမသည် ကြိုတင်ပြင်ဆင်ထားသည့်အတိုင်း ခွဲစိတ်ခန်းမဝင်မီ မိသားစုအားလုံးကို တစ်ချက်စောင်းငဲ့ကြည့်ပြီးနောက် မည်သို့သော စကားကိုမှ မဆို တိတ်တဆိတ်ပင် စိတ်အလုပ်များကို လျှင်မြန်စွာလုပ်လျှက်ရှိနေပါသည်။ သူမ၏ မိသားစုသည် သူမအား စိုးရိမ်ပူပန်မှုများနှင့်သာ ခွဲစိတ်ခန်းအပြင်တွင် ကျန်ရစ်ခဲ့ပြီ။ ခွဲစိတ်ခန်းဆီသို့ သယ်ဆောင်လာသော တွန်းလှည်းပေါ်တွင် မေတ္တာပို့ရင်း သူမ အေးချမ်းစွာ လိုက်ပါလာခဲ့ပါသည်။ ခွဲစိတ်ရမည်ကိုလည်း သူမ မကြောက်ပါ၊ သေခြင်းတရားကိုလည်း သူမမကြောက်ပါ၊ သူမကြောက်သည်က မေ့လျော့မည်ကိုသာ။ ရတနာသုံးပါးမရှိရာအရပ်တွင် သူမ မနေလိုပါ။ ဝေဒနာကြောင့် သိတစ်ချက် မသိတစ်ချက်ဖြစ်နေသော အသိစိတ်ကို ဖြည်းညင်းစွာ သူမ စောင့်ကြည့်လျှက်ရှိပါသည်။ ဝေဒနာကို သိနေသော စိတ်သည် ပြင်းအားမများလှစွာ သိရုံလေးသာဖြစ်သည်၊ သက်သက်သာသာလေး သိနေတယ် ဆိုရုံမျှပင်။ တင်းထားသော စိတ်နဲ့ အာရုံကြောများသည် ဖြည်းဖြည်းပြေကျလာသည်ကို တွေ့ရလေသည်။ ခံစားနေရသော ဝေဒနာက တခြား၊ သိနေသော စိတ်က တခြား သိမှု ပျက်မှုကို ဖြစ်မှု ပျက်မှုကို သိရသောအခါ။ ။

ကျန်းမာခြင်းသည် လာဘ်တစ်ပါးလို့ ဆိုကြသတဲ့...

ငယ်စဉ်ကပင် ဖျားနာခြင်းဖြင့် ကျောင်းတက်စဉ်ကာလပတ်လုံး နပန်းလုံးနေရသောကြောင့် မိဘများသည် စာကျက်ဖို့ပင် သူမအား မတိုက်တွန်းကြပါ။ တစ်နှစ်တတန်းမှန်မှန်အောင်လျှင်ပင် ကျေနပ်ခဲ့ကြသည်။ ဆယ်တန်းပထမဆုံးစတက်သော လတွင်ပင် ဆေးခွင့် တစ်လယူကာ ဆေးများဖြင့် နပန်းလုံးရပြန်သည်။

သို့သော်လည်း သူမသည် စိတ်ဓာတ်ပြင်းထန်သူဖြစ်သည်၊ ဇွဲရှိသူဖြစ်သည်၊ မြတ်စွာဘုရား ဟောကြားတော်မူခဲ့သော တရားများကို အကြွင်းမဲ့ယုံကြည်သူဖြစ်သည်၊ ထို့အတွက်ကြောင့် ဘယ်အတွက်မှ နောက်မဆုတ်ခဲ့ပေ။ ကျန်းမာရေးဂရုစိုက်ဖို့ အားလုံးစိတ်ပူစွာ မှာကြားနေသည့်ကြားကပင် မြန်မာနိုင်ငံအနှံ့အပြားသို့ သွားကာ မြန်မာပြည်သူများ၏ ကျန်းမာရေးများကို တဖက်တလမ်းမှ ကူညီခဲ့လေသည်။ ယခုအခါ မိသားစုများ ဘုရားဖူး လေ့လာရေးခရီးများကိုလည်း စေတနာများများဖြင့် ကူညီပေးရင်း “ကုသိုလ်လည်းရ ဝမ်းလည်းဝ” သော အလုပ်ကလေးဖြင့် ပြည်ပနိုင်ငံများတွင် ကူးချီသန်းချီဖြင့် သွားလာနေပြန်သည်။

သူမသည် ဘာကြောင့်များ ဘယ်ကဲ့သို့သော စိတ်လေးနဲ့ လှုပ်ရှားနေနိုင်ခဲ့တာပါလိမ့်နော်...

ခွဲစိတ်ခန်းထဲတွင် သူမအား အသေးစားခွဲစိတ်မှုမှ အကြီးစားခွဲစိတ်မှုအဖြစ်သို့ ပြောင်းလဲကြောင်း  ခွဲစိတ်ခန်းတွင်းတာဝန်ကျ ဆရာမ မှနေ၍ မိသားစုကို အသိပေးလိုက်သောအခါ မိသားစုဝင်များသည် ငိုပွဲဆင်ကြလေတော့သည်။ ခွဲစိတ်ပြီး သုံးနာရီခန့်ကြာမှ သတိမရတစ်ချက် ရတစ်ချက်နှင့် ခွဲစိတ်ဖြစ်လားလို့ ကရုပ်လေးက မေးခဲ့လေသည်။ လက်နှစ်ဖက်တွင် ပိုက်နှစ်ချောင်း၊ နှာခေါင်းပိုက်များနှင့် ကရုပ်လေးကို မိသားစုများက မမြင်ရက်ကြပေ။ သတိကောင်းကောင်းရလာသောအခါ အငိုမျက်ဝန်းများနဲ့ ကရုပ်လေး၏ လူနာကုတင်နားတွင် ဝိုင်းလို့။ ထိုအချိန်မှ စ၍ ကျန်းမာအောင် ကြိုးစားပြီးနေတော့မည်၊ ကျန်းမာမှ မိမိ၏ မိသားစုသည် သောကကင်းကြမည်၊ အထူးသဖြင့် အမိသည် ဝမ်းဖြင့် လွယ်၍ မွေးထားသောကြောင့် အများတကာထက် သောကပိုလေသည်၊ ထိုအကြောင်းအရာသည် ကြီးမားသော တွန်းအားတစ်ခုဖြစ်လေသည်။ ထို့ပြင် အသက်ရှည်ခဲ့သော အဘယ်အကျိုးရှိအံ့နည်း၊ ရှည်သည့် အသက်နှင့် အမျှ အကျိုးရှိအောင် နေသွားရဖို့လည်းလိုပေသည်။ ထို့အတွက်ကြောင့် အသက်ရှည်ခြင်းကို ဥာဏ်ဖြင့် ဆင်ခြင်ပြီး ပြုမှုနေထိုင်သင့်လှပေသည်။

ထိုထိုဤဤသော ရက်များအတွင်း ကရုပ်လေးသည် ဆေးရုံတွင် ကျင်းပသော ဝါဆိုသင်္ကန်းကပ်လှူပွဲ၌ မွေးနေ့ကို အကြောင်းပြုလို့ လူနာကုတင်ပေါ်မှပင် သင်္ကန်းကပ်လှူခဲ့ပါသည်။ ။

ဇန်နဝါရီ (၂၂)ရက်နေ့ ဆယ်နာရီခန့်က ဖြစ်မည်၊ “မာတာ လက်အကြောကပ်တာ သက်သာရဲ့လား၊ စာပြန်မရိုက်နဲ့ သက်သာအောင်သာနေ၊ နေကောင်းလားမေးတာပါ” ဟု မိန့်ကြားသွားသော ဘုန်းဘုန်းဦးမော်ဒန်သည် အခုတော့ ဆေးရုံပေါ်တွင် မွေးနေ့ပွဲကို တကူးတက သွားရောက် ကျင်းပလျှက်ရှိပါသည်။

ကရုပ်လေးသည် ဂေါတမမြတ်စွာဘုရားပွင့်တော်မူစဉ်က ဘယ်ဂျောင်ရောက်နေသည် မသိပါသဖြင့် မြတ်စွာဘုရားအား သက်တော်ရှည်ကြာစွာ သီတင်းသုံးခြင်းဖြင့် သတ္တဝါတို့၏ ဆင်းရဲကို ကယ်တင်ရန်အလို့ငှာ လမ်းပြပေးတော်မူပါရန် တောင်းပန်လျှောက်ထားခွင့် မရခဲ့ပါ။ သို့သော်လည်း ယခုချိန်ခါတွင်တော့ တပည့်တော် ရိုသေစွာလျှောက်ထား တောင်းပန်အပ်ပါသည်ဘုရား-ယနေ့ခေတ်ကာလသည် အရောင်စုံများနှင့် ရှုပ်ယှက်ခတ်လျှက်ရှိလှပါသည်ဘုရား၊ သာသနာ့တာဝန်များကို အထူးထမ်းရွက်ရန် လိုအပ်နေသော ခေတ်ပျက်ကြီးဖြစ်နေပါသည်ဘုရား၊ သို့ပါသောကြောင့် သတ္တဝါတို့၏ အကျိုးစီးပွါးအလို့ငှာ တပည့်တော်မှ သနားသဖြင့် တောင်းပန်လျှောက်ထားလိုက်ရပါသည် ဆရာတော် သံဃာတော်အရှင်မြတ်တို့ဘုရား မိမိ၏ ကျန်းမာရေးကို ဂရုပြုတော်မူကြပါရန်နှင့် “အသက်ကို ဥာဏ်စောင့်၏“ ဆိုသကဲ့သို့ ဤဆိုသောစကားလေးကိုလည်း သတိရတော်မူကြပါရန် အလေးအမြတ်ထားကာ သတိပေးစကားဖြင့် အသိပေး လျှောက်ထားအပ်ပါတယ်ဘုရား။ တပည့်တော်လျှောက်ထားခြင်းသည် ကံသုံးပါးလုံးဖြင့် မှားယွင်းခြင်းများရှိခဲ့ပါလျှင်လည်း ဂရုဏာရှေ့ထားလို့ ခွင့်လွှတ်တော်မူကြပါရန် တောင်းပန်လျှောက်ထာလိုက်ပါတယ်ဘုရား။

မှတ်ချက်။ ။ အခုလို သတိပေးစကားဖြင့် ပိုစ့်ကို ရေးရခြင်းသည် ဘုန်းဘုန်းဦးဝိစိတ္တသာရ(ဓမ္မဂင်္ဂါ-မော်ဒန်တောရ)အမှုးပြုသော သာသနာ့ဝန်ထမ်း ရဟန်းသံဃာအားလုံးအပြင် လူပုဂ္ဂိုလ်များကိုလည်း ရည်ညွှန်းပါသည်။


လေးစားစွာဖြင့်
crystal

ကမ်ပူးချားလို့ခေါ်တဲ့ ကမ်ဘောဒီးယားကို ဘုရားဖူးသွားပို့ရာမှ ပြန်လည်ရောက်ရှိပြီးနောက် အနားယူနေပါသည်။ လက်ဆောင်အနေနဲ့ ပိုစ့်လေးတွေ ပါလာပါတယ်ရှင့် :)

1 comment:

JUSTICE999BURMA said...

ပြန်လာရင် လက်ဆောင်ဝယ်ခဲ့ပါဗျိုး..........