ကျိုက်ပေါလောမှဲ့ရှင်တော်ဘုရားသမိုင်းအကျဉ်း

ကျိုက်ပေါလော မှဲ့ရှင်တော်ဘုရားသမိုင်းသည် မြတ်စွာဘုရား ပရိနိဗ္ဗာန်စံဝင်တော်မူပြီး နှစ်ပေါင်း (၂၂၀)အကြာ၊ အိန္ဒိယပြည်တွင် သီရိဓမ္မာသောကမင်းကြီး တတိယသင်္ဂါယနာတင်သည့် အချိန်မှ စခဲ့သည်ဟု ဆိုရပါမည်။

မင်းကြီးသည် အကျင့်သိက္ခာနှင့် မညီသော ရဟန်းများကို သာသနာတော်မှ ဖယ်ရှားပြီး သာသနာတော် သန့်ရှင်းတည်တံ့ပြန်ပွားစိမ့်သောငှာ အရှင်မဟာမောဂ္ဂလိပုတ္တတိဿမထေရ်အား အကြီးအမှုးပြု၍ ပိဋကတ်ကျမ်းဂန်၌ ကျွမ်းကျင်လိမ္မာသော ရဟန်းတော်အပါးတစ်ထောင်ကို ရွေးချယ်တော်မူ၏။ ထို့နောက်တတိယသင်္ဂါယနာတင်ပွဲကြီးကို ပါဋလိပုတ်ပြည်အာသောကာရာမကျောင်းတိုက်ကြီး၌ ကိုးလတိုင်တိုင် ကျင်းပတော်မူသည်။

ထိုမျှမကသေး မင်းကြီးသည် အရှင်မဟာမောဂ္ဂလိပုတ္တတိဿမထေရ်ကြီးနှင့် တိုင်ပင်ကာ အခြားနိုင်ငံများတွင် သာသနာပြန့်ပွါးငှာ ကိုးတိုင်း ကိုးဌာနသို့ သာသနာပြုအဖွဲ့များစေလွှတ်တော်မူသည်။ တစ်ဖွဲ့လျှင် ရဟန္တာ (၅)ပါးစီ ပါဝင်စေပြီး သားတော် အရှင်မဟိန္ဒဦးဆောင်သောအဖွဲ့သည် ယခုအခါသီရိလင်္ကာဟုခေါ်သော သီဟိုဋ္ဌ်ကျွန်းသို့ ရောက်ရှိတော်မူသည်။

{မြန်မာနိုင်ငံ သုဝဏ္ဏဘူမိ သထုံပြည်သို့လည်း အရှင်သောဏနှင့် အရှင်ဥတ္တရမထေရ် နှစ်ပါးဦးဆောင်သောအဖွဲ့ ရောက်ရှိလာသည်။ မြန်မာနိုင်ငံတွင် ကြီးမားသော သာသနာပြုလုပ်ငန်းများကို ဆောင်ရွက်တော်မူကြသည်။

ရဟန္တာနှစ်ပါးသည် ကျိုက်ထိုမြို့မြောက်ဘက် တစ်မိုင်ခန့်အကွာ မောရတောင် (ယခုဘုရားသုံးဆူရွာတွင်) သောဏစေတီ၊ ဥတ္တရစေတီနှင့် အရှင်နှစ်ပါးပေါင်း၍ သောဏုတ္တရစေတီဟူ၍ စေတီသုံးဆူကို တည်ထားတော်မူသည်။ ၄င်းစေတီသုံးဆူကို အစွဲပြု၍ ယခုအခါ ဘုရားသုံးဆူတောင်ဟု ခေါ်တွင်သည်။

ရဟန္တာနှစ်ပါးသည် ဘီးလင်းမြို့မြောက်ဘက် ခြောက်မိုင်ခန့်အကွာရှိ သာယာလှပသော ကုသီနာရုံတောင်ပေါ်တွင် ပရိနိဗ္ဗာန်စံဝင်တော်မူကြသည်။ ပရိနိဗ္ဗာန်စံဝင်တော်မူသော ရုပ်ထုပုံတော်များကို အသစ်ပြုပြင်ထားသော ဂန္ဓကုဋီတိုက်တွင် ထားရှိပြီး ဒေသခံများနှင့် ရပ်နီးရပ်ဝေး ဘုရားဖူးများက လာရောက်ပူဇော်ကြသည်။}

ထိုအချိန်က သီဟိုဋ္ဌ်ကျွန်းနိုင်ငံကို ဒေဝါနံပီယတိဿမင်းကြီး စိုးစံတော်မူသည်။ အရှင်မဟိန္ဒ ဦးဆောင်သော သာသနာပြုအဖွဲ့ရောက်ရှိတော်မူလာသောအခါ မင်းကြီးသည် မိမိကိုယ်တိုင်လည်း ဗုဒ္ဓဘာသာကို သက်ဝင်ယုံကြည်သည်ဖြစ်၍ ဝမ်းမြောက်ဝမ်းသာကြိုဆိုတော်မူသည်။ မင်းကြီးနှင့် ရဟန္တာအရှင်မြတ်တို့သည် သာသနာပြုလုပ်ငန်းများကို အစဉ်အတိုင်း ဆောင်ရွက်တော်မူကြသည်။

တစ်နေ့တွင် မင်းကြီးသည် အခြားနိုင်ငံများမှ လူအပေါင်းတို့သည်လည်း ဗုဒ္ဓရုပ်ပွါးတော်များကို ဖူးမျှော်ပူဇော်ရပါလျှင် လောကီအကျိုး၊ လောကုတ္တရာအကျိုးများရစေပြီး ဗုဒ္ဓဘာသာကို အလွန်သက်ဝင် ယုံကြည်လာကြလိမ့်မည်ဟု စဉ်းစားတော်မူသည်။

ထို့နောက် ဒေဝါနံပီယတိဿမင်းကြီးသည် မိမိ၏ အကြံတော်ကို အရှင်ဟိန္ဒအားလျှောက်ထားရာ အရှင်ဟိန္ဒကလည်း ကောင်းမြတ်သောအကြံဖြစ်သဖြင့် သင့်တော်ကြောင်း မိန့်ကြားတော်မူသည်။ ထိုအခါ မင်းကြီးသည် ပန်းပုပညာရှင် အကျော်အမော်တို့အား ရုပ်ပွါးတော်လေးဆူကို ထုလုပ်စေတော်မူသည်။ ပြီးစီးသောအခါ ရုပ်ပွါးတော်လေးဆူတို့အား တိုင်းသူပြည်သားများ နန်းတွင်းသူ နန်းတွင်းသားများနှင့်အတူ ရဟန်းတော်များအား ဆွမ်းလုပ်ကျွေးတော်မူလျှက် (၁၅)ရက်တိုင်တိုင် ပူဇော်ပွဲကျင်းပတော်မူသည်။

ထို့နောက် မင်းကြီးသည် မိမိကြံရွယ်ထားသည့်အတိုင်း အခြားနိုင်ငံများမှ လူများပူဇော်ကိုးကွယ်နိုင်စေခြင်းငှာလည်းကောင်း၊ ဗုဒ္ဓသာသနာပြန့်ပွါးစေခြင်းငှာလည်းကောင်း ရုပ်ပွါးတော်လေးဆူမှ တစ်ဆူကို ကျွန်းတုံးဖောင်ပေါ်တွင်လည်းကောင်း၊ တစ်ဆူကို ပိန္နဲတုံးဖောင်ပေါ်တွင်လည်းကောင်း၊ တစ်ဆူကို သင်္ကန်းတုံးဖောင်ပေါ်လည်းကောင်း တစ်ဆူကို ကျောက်လှည်းဘီးဖောင်ပေါ်တွင်လည်းကောင်း အသီးသီးတင်ကာ စည်ကားသိုက်မြိုက်စွာ အခမ်းအနားဖြင့် သမုဒ္ဒရာအတွင်းသို့ အဓိဋ္ဌာန်ပြုကာ မျောလွှတ်တော်မူလိုက်သည်။

ရုပ်ပွါးတော်လေးဆူတို့သည် နတ်၊ သိကြားတို့၏ အစောင့်အရှောက်ဖြင့် သာသနာတော်ထွန်းကားရာ မြန်မာနိုင်ငံသို့ဆိုက်ရောက်လာကြသည်။

တစ်ဆူမှာ ကျိုက္ခမီကမ်းခြေသို့ ဆိုက်ရောက်ပြီး “ကျိုက္ခမီရေလယ်ဘုရား” ဘွဲ့တော်နှင့် ကျော်ကြားလျက်ရှိပါသည်။ ပွဲတော်မှာ သီတင်းကျွတ်လပြည့်မှ လပြည့်ကျော် (၅)ရက်နေ့အထိဖြစ်သည်။ မြန်မာပြည်အရပ်ရပ်မှ ဘုရားဖူးများ လာရောက်ဖူးမျှော်ကြသဖြင့် အလွန်စည်ကားသည်။

 တစ်ဆူမှာ ထားဝယ်ကမ်းခြေသို့ ဆိုက်ရောက်ပြီး “ရှင်မုတ္တီး” ဘွဲ့တော်ဖြင့် ကျော်ကြားပါသည်။

အခြားတစ်ဆူမှာ ပုသိမ်ကမ်းခြေသို့ ဆိုက်ရောက်ပြီး ပုသိမ်မြို့ ရွှေမုတ္ထောစေတီတော်ကြီး၏ အာရုံခံတန်ဆောင်းတစ်ခုအတွင်း “သီဟိုဋ္ဌ်ရှင်ဘုန်းတော်ပြည့်ဘုရား” ဘွဲ့တော်ဖြင့် ကိုးကွယ်ပူဇော်ထားသည်။

ကျောက်လှည်းဘီးဖြင့် မျောလာသော ကျန်တစ်ဆူမှာ မွန်ပြည်နယ် ကျိုက်ထိုမြို့ ကျိုက်ပေါလော မှဲ့ရှင်တော်ဘုရားဖြစ်ပါသည်။ ဘွဲ့တော်ကို မူလက “ကျိုက်ပေါလောဘုရား”၊ နောင်သော် ပကတိမျက်စေ့ကဲ့သို့ ကြည်လင်တောက်ပသော မျက်လုံးတော်ကို အစွဲပြု၍ “ကျိုက်ပေါလောမျက်ရှင်တော်ဘုရား”၊ ထို့နောက်တွင် လက်ျာဘက် နားထင်ပေါ်တွင်ရှိသော မှဲ့တော်ကို အစွဲပြု၍ “ကျိုက်ပေါလော မှဲ့ရှင်တော်ဘုရား” ဟူ၍ အမျိုးမျိုးပြောင်းလဲခေါ်ဝေါ် ပူဇော်ကြပါသည်။

ကျောက်လှည်းဘီး

ယခု ဂေါပကအဖွဲ့သည် (၁၉၈၈)ခုနှစ် အစပိုင်းမှ (၁၉၉၉)ခုနှစ် မတ်လအထိ (၁၁)နှစ်ကာလအတွင်း အလှူငွေ စုစုပေါင်း (၃၄၆)သိန်းကို ရရှိခဲ့ပါသည်။

မြို့ခံအလှူရှင်များ၊ အနယ်နယ်အရပ်ရပ်မှ အလှူရှင်အပေါင်းတို့၏ ဤအလှူဒါနဖြင့် ရွှေသားပလ္လင်တော်ကြီး၊ ဂန္ဒကုဋီတိုက်ကြီး၏ ရွှေသားမျက်နှာကျက်တော်နှင့် ရွှေသားနံရံများ (ယခုပြုပြင်ဆဲ)ကို မြန်မာအနုပညာလက်ရာအလှအပတို့ဖြင့် ရွှေကျောင်းတော်ကြီးအဖြစ်ပြုပြင်လျက်ရှိပါသည်။

ထို့အပြင်ဘုရားဖူးများ တည်းခိုနိုင်ရန် နှစ်ထပ်ဆောင်ကြီး အသစ်တစ်ခုကို တည်ဆောက်ခြင်း၊ တရားဟောတရားနာရန် ဓမ္မာရုံကြီးတစ်ခု၊ သိမ်တော်ကြီးတစ်ခုနှင့် အခြားသာသနိက အဆောက်အဦးများ ပြုပြင်ထိန်းသိမ်းခဲ့ပါသည်။ အလှူရှင်အပေါင်း သာဓုအနုမောဒနာခေါ်နိုင်ကြပါကုန်။

ဘုရားသမိုင်းအကျဉ်းနှင့်ပတ်သက်၍ ဂေါပကအဖွဲ့မှ အမှာစာ.....
ကျိုက်ထိုမြို့ ကျိုက်ပေါလောမှဲ့ရှင်တော်ဘုရားသမိုင်းအကျယ်တွင် သမိုင်းပြုစုသူ စစ်တောင်းမြို့ အလယ်တန်းကျောင်းအုပ်ဆရာကြီး ဦးစိုးနိုင် (စိုးရာဇာ)က ဘုရားတည်ရှိရာ ကျိုက်ထိုမြို့နောက်ခံသမိုင်း၊ သုဝဏ္ဏဘူမိမြို့ဟောင်း နောက်ခံသမိုင်း၊ ရှေးခေတ် မွန်လူမျိုးတို့အကြောင်း၊ သုဝဏ္ဏဘူမိသို့ သာသနာရောက်ရှိလာပုံအကြောင်းစသည်တို့ကို သိမှတ်ဖွယ်ရာ အဖြာဖြာနှင့် စုံလင်စွာရေးသားခဲ့ပါသည်။

သို့သော် ဘုရားဖူးလာ သူတော်ကောင်းတို့အနေဖြင့် မအားမလပ် အချိန်မပေးနိုင်ကြမည်စိုးသောကြောင့် ဘုရားသမိုင်းကို အကျုဉ်းချုံးရေးသားထုတ်ဝေခြင်းဖြစ်ပါသည်။

မျောလေးမျောသမိုင်းဝင် မွန်ပြည်နယ် ကျိုက်ထိုမြို့ရှိ ကျိုက်ပေါလောမှဲ့ရှင်တော်ဘုရားသမိုင်းအကျဉ်း မှ ကူးယူဖေါ်ပြပါသည်။

လေးစားစွာဖြင့်
ခရစ္စတလ်