ခံစစ်

ပျားဘုရင်မသည် အမျိုးသားများ၏ လိင်ကိစ္စအလေ့အထတွေအကြောင်းပြောပြီးနောက် သူမ ပြောပြတဲ့
လိင်လုပ်သားမိန်းကလေးများရဲ့ ကျန်းမာရေးအကြောင်းများကို အခုလိုသိခွင့်ရခဲ့ပါတယ်ရှင်။

အမျိုးသားများစွာနဲ့ ပတ်သက်ဆက်နွယ်နေကြသော ဒို့လို လိင်လုပ်သား အမျိုးသမီးတွေ အဖို့ လိင်ပိုင်းဆိုင်ရာ အပြုအမူတွေကိုသာ မဖြစ်မနေလေ့လာသင်ယူဖြစ်ခဲ့ပြီး တကယ်အလေးထားရမယ့် ကျန်းမာရေး စောင့်ရှောက်မှုများကို မေ့လျော့ပေါ့ဆခဲ့မိကြတယ်။ ဒါက လိင်လုပ်သားမိန်းကလေးတိုင်းပါပဲ၊ ကိုယ့်အတွက် ခံစစ်ဖြစ်တဲ့ ကျန်းမာရေး ဗဟုသုတတွေကို နည်းလမ်းမှန်ကန်စွာ စနစ်တကျမလေ့လာခဲ့ကြဘူး၊ ပေ့ါဆမှုကြောင့် သိထားတဲ့ ကျန်းမာရေးနည်းလမ်းတွေကလည်း လွဲမှားလို့ နေပြန်တယ်။ လိင်လုပ်သားတွေဆိုတော့ လိင်ဆက်ဆံခြင်း ကြောင့် ကိုယ်ဝန်ရနိုင်ခြင်းအတွက် တားဆေးနှင့် နည်းလမ်းမျိုးစုံကိုသိကြပေမယ့် နည်းလမ်းမှန်ကန်မှု မရှိတာကြောင့် အမှားအယွင်းတွေ ဖြစ်ကြရတယ်။ ဥပမာ - ကိုယ်ဝန်မရနိုင်အောင် တားဖို့ တားဆေးတွေ သုံးရမယ်ဆိုတာ သိသော်လည်း.....

• တားဆေးကို ဘယ်လိုရွေးချယ်ရမယ်၊

• မိမိနဲ့ သင့်တော်တဲ့ တားဆေးကို ရွေးချယ်ဖို့လည်း နားမလည်ခဲ့ကြဘူး။

• ဘယ်အချိန်မှာ သုံးမှ စိတ်ချရတဲ့ ကာကွယ်မှုဖြစ်တယ်ဆိုတာလည်း မသိကြဘူး။

နောက်ပြီးတော့ ကိုယ်ဝန်မရနိုင်အောင်သာ
ကာကွယ်ဖို့ သတိရကြပြီး
နောက်ထပ်အရေးကြီးတဲ့ လိင်ဆက်ဆံရာကနေ
ကူးစက်တဲ့ရောဂါတွေကို
ကာကွယ်ဖို့ မသိကြ၊ နားမလည်ကြ၊
သတိမထားမိကာ
ပေါ့ပေါ့ဆဆနေတဲ့သူတွေချည်းပါပဲ။

ဒို့လည်း အဲဒီအထဲမှာ ပါတာပေါ့၊ အလုပ်စလုပ်ပြီး ခြောက်လလောက်ကြာတော့ ဆီးအောင့် ဆီးကျင်တာတွေဖြစ်လာတယ်။ နောက်ပိုင်းမှာ ဧည့်သည်လာရင် စိတ်ပါလက်ပါ ဧည့်မခံနိုင်တော့ဘူး။ လိင်ဆက်ဆံစဉ်အချိန်တွေပါ လိင်အင်္ဂါမှာ နာတာတွေ ဖြစ်လာပါတယ်။ ဒါကြောင့် အလုပ်ရှင်က ဆေးခန်းကို ပို့ပေးတယ်။ ဆရာဝန်မက သွေးစစ်ရမယ်လို့ စပြောပြီး ကျန်းမာရေးနဲ့ ပတ်သက်တာတွေကို အနည်းငယ်ပြောပြတယ်။ ဒီအချိန်ကျမှ ကိုယ်က ပညာတတ်တစ်ယောက်ဖြစ်ခဲ့ရဲ့သားနဲ့ ဒါတွေကို သတိမထားမိလေခြင်းလို့ နောင်တနဲ့အတူ တစ်ကိုယ်လုံး ပူထူနေတော့တယ်။ ဆရာဝန်မလေးက ကာလသားပိုးရှိ/မရှိ အရင်စစ်ကြည့်မယ်လို့ ပြောပါတယ်။ နောက်ပိုင်းဆရာမလေး ပြောတာတွေကို ကြားတစ်ချက် မကြားတစ်ချက်နဲ့၊ သွေးဖောက်ဖို့ ငြင်းဆန်မိကာ အိမ်ကို ပြန်လာပြီး အခန်းတံခါး ပိတ်လို့ ငိုပွဲဆင်မိပါတော့တယ်။

“ဘယ်သူ့ဆီက ကူးတာလဲ စဉ်းစားစမ်း စဉ်းစားစမ်း၊ ဘယ်တစ်ယောက်ဆီက ကူးမှန်းလည်း မသိ၊ ဟိုခပ်ဝဝ မျက်နှာ အဆီပြန်နေတဲ့ တစ်ယောက်ဆီက များလား၊ ဘီယာတွေ သောက်ထားတဲ့ တစ်ယောက်ဆီကလား၊ ဟိုအဘိုးကြီးများလား၊ ဟိုတနေ့က လာသင်တဲ့ ကောင်လေးဆီကလား အို မဖြစ်နိုင်ပါဘူး သူက ငယ်သေးတာပဲ၊ ဒါဆို မိန်းမကျမ်းကျေတဲ့ ဟိုတစ်ယောက်ဆီကလား၊ အင်း ဘယ်သူများဖြစ်မလဲ။ ကွန်ဒုံးလည်း တစ်ယောက်မှ မသုံးကြဘူး။ ဒါမှ မဟုတ် ဟိုတစ်ရက်က ဖောက်သည် ဆယ့်နှစ်ယောက် ဆက်တိုက်ရတဲ့နေ့ကများလား။ ဟိုတစ်နေ့က ဆရာ(အလုပ်ရှင်)နဲ့လည်း နေဖြစ်သေးတာပဲ။ ဆရာ့ဆီမှာများ ဒီရောဂါတွေ ဖြစ်နေသလား။ တစ်နေ့ တစ်နေ့ လာလိုက်တဲ့ ဧည့်သည်တွေကို မျက်လုံးထဲမြင်မိရင်း ဆရာမလေး ပြောလိုက်တဲ့ ရောဂါတွေအကြောင်း၊ ရောဂါတွေရဲ့ နောက်ဆက်တွဲ အကျိုးဆက်တွေကို ကြားယောင်မိကာ မိမိစိတ်က စေစားရာမှ ရရှိလာသော ဆိုးကျိုးတွေက တမြေ့မြေ့နဲ့ လောင်ကျွမ်းခဲ့ရပါတယ်။

ဒို့လို ရောဂါတွေကို မသိပဲ လက်ခံရရှိခဲ့တဲ့ မိန်းကလေးနဲ့ နောက်ထပ်ရောက်လာမယ့် အမျိုးသားတွေက ဘာကြောင့်များ လိင်ဆက်ဆံဖို့ ခုံမင်ကြသလဲ၊

ရောဂါများစွာတို့သည် အိမ်သဖွယ် ဖွဲ့တည်နေတဲ့ လိင်လုပ်သား မိန်းကလေးတွေဆီကို ယောကျာ်းလေးများက ကွန်ဒုံးမပါပဲနဲ့ လိင်ဆက်ဆံဖို့ ဘာကြောင့်များ ကြည်ဖြူကြတာလဲ။


ဒီလိုအကြောင်းများစွာတို့ကြောင့် အမျိုးသားများသည် ခံစစ်မကောင်းသော လိင်လုပ်သား မိန်းကလေးများထံမှ မိမိ၏ အခြားသော လိင်ဆက်ဆံဘက်များထံသို့ ထပ်မံ၍ ရောဂါများ ပြန့်ပွါးစေခြင်းကြောင့် လိင်ပိုင်းဆိုင် ရာ ကူးစက်တတ်သော ရောဂါများသည် အလွန် လွယ်ကူစွာ ပြန့်ပွါးနေကြတာဖြစ်တယ်လို့ ပျားဘုရင်မလေးက ပြောပြပါတယ်။

----------------ဝဝဝ----------------

နည်းစနစ်မှန်ကန်စွာ သားဆက်ခြားနိုင်မည့် နည်းလမ်းများ
ဒီလင့်လေးမှာ သားဆက်ခြားနည်းလမ်းများကို ဖော်ပြထားပါတယ်ရှင်။

အောက်တွင် ရှိသောလင့်များတွင် ကာလသားရောဂါအကြောင်းများကို အကျယ်တဝင့် ရေးသား ဖော်ပြထား ပါသည်။

Dr Zero's Pages

Sexual Knowledge

HIV Information for Myanmar

ဆက်လက်ဖော်ပြပါမည်....(ဇူလှိုင်လတွင် ဘဝဇာတ်ခုံ ရေးသားခြင်းကို ခေတ္တနားပါမည်။)

ဘဝဇာတ်ခုံ