ကောင်းမှု ကုသိုလ်တော်

နှစ်သစ်ကူးချိန်တွင် အခန်းမှာ ရှိတဲ့ ဘုရားစဉ်လေးမှာ ဘုရားပန်းလေးတွေ ဆက်ကပ်လှူဒါန်း ထားတာလေးကို ကြည့်ပြီး ကုသိုလ်အပေါ် ဝမ်းမြောက်ကြည်နူးမိပါတယ်။ စာဖတ်သူများကိုလည်း မျှဝေလိုက်ပါတယ်ရှင်။

(၁၁-ဧပြီလ-၂၀၁၀)

ဆင်းတုတော်တွေက သူများတွေ လှူထားကြတာပါ။ ရွှေအဆင်းနဲ့ ကြည်ညိုသပ္ပါယ်စွာ ဖူးတွေ့ရတဲ့ အလိုတော်ပြည့် မြတ်စွာဘုရားကို ဆရာတော် ဦးလောကနာထမှ ပေးပို့ လှူဒါန်းထားတာဖြစ်ပါတယ်။ လက်ခံရရှိတဲ့အကြောင်းကတော့ ဒီလိုပါ။

ဆင်းတုတော်

ဘုရားက ရောင်စုံမဟုတ်ပါဘူး ရွှေရောင်ပါ မိမိအိမ်က စံကျောင်းတော်ရောက်မှ ရောင်စုံ ဆလိုက်ထိုးလိုက်ပါ

အလိုတော်ပြည့် ဆင်းတုတော်
ဉာဏ်တော်အမြင့် ၆-လက္မ
ဒူးတော်နှစ်ဘက် ၃-လက္မအကျယ်
လောလောဆယ် ၁၀-ဆူ ဒါနပြုပါမည်။

ငွေနှင့်ဝယ်ရန်မလို...
လမ်းစားရိတ် ပေးစရာမလို...
ပို့ရမည့် လိပ်စာကိုသာ mail ပို့ပေးလိုက်ပါ...

လိပ်စာနှင့်ပတ်သက်၍ နောက်တစ်ကြိမ် မဆက်သွယ်ပါ
ဒီကိစ္စနှင့်ပတ်သက်၍ မည်သည့်နေရာတွင်မှ စာတင်ရန် အစီအစဉ်မရှိ

ဘုရားအလှူရှင်နှင့် ဘုန်းကြီးတိုင်ပင်၍ တရုတ်ပြည်မှာ ပြုလုပ်ပါသည်။
ဘုန်းကြီးသို့ အဆူ ၅၀၀-လှူထားပါသည်။
ကျောင်းနှင့်နီးစပ်သောသူများကို
အခမဲ့ လှူဒါန်းပြီး ဖြစ်ပါသည်။
နောက်ထပ်လိုအပ် ပင့်ဆောင်လိုက လာရောက်အလှူခံ နိုင်ပါသေးသည်။

ဤဆင်းတုတော် လှူနေသည်မှာ ၃-နှစ်ကျော်ပါပြီ။
ပြုလုပ်သည်မှာ ပုံတော် ၃-မျိုးဖြစ်ပါသည်
ပြောရလျှင် ဒီဘုန်းကြီး အတ္တကြီးသည် အပြောခံရပါဦးမည်။ မတတ်နိုင်ပါ။
အလိုတော်ပြည့် ပုံတော်လေးသာ
အလှူခံထားလိုက်ပါသည်...။

၎.၂၄.၂၀၀၉

အစပထမတော့ စာတိုက်ပို့ပေးမယ့်သူရဲ့ အခက်အခဲလေးကြောင့် ၁၀-ဆူသာ လှူပါဦးမယ်လို့ ဆိုခဲ့ပါတယ်။

ဒကာဒကာမတို့ ကုသိုလ်ထူးကြောင့်... ကျောင်းနဲ့နီးစပ်သော ဒကာဒကာမများမှ အလှူခံသူများထံသို့ ပို့ပေးပါ့မယ်ဆိုတဲ့ အတွက် နောက်ထပ် အလှူခံနိုင်ပါသေးတယ်၊ ((အရှင်သူမြတ်တို့လည်း အလှူခံနိုင်ပါသည်ဘုရား))

တချို့ကလည်း ဘုန်းကြီးကိုအားနာလို့ အလှူမခံသေးဘူးလို့ သိရပါတယ်။ အားနာ စရာမဟုတ်ပါ အလှူခံနိုင်ပါတယ်။ အလှူခံသူ ရှိမှသာ လှူလိုသူမှာ ဒါနဖြစ်ပါတယ်။ အလှူခံသူရဲ့တန်ဖိုးဟာ ဒါနကောင်းမှုတစ်ခု ဖြစ်စေပါလားလို့ မြင်အောင်ကြည့် တတ်ကြရအောင်...။

တချို့ကလည်း ငါတို့နဲ့က ခင်တာမဟုတ်ဘူး ခုမှ သွားပြီးအလှူခံလို့ မကောင်းပါ ဘူး ရှက်စရာကြီး ဒီလိုလဲ ရှိကြပါဦးမယ်။ မဖြစ်ကြပါနဲ့ မည်သူ့ကိုဖြစ်ဖြစ် ဒါနတစ်ခု ဖြစ်ဖို့ အတွက်သာ ရည်ရွယ်တာပါ၊ အမည်မမှန်လဲရပါတယ်၊ အမည်နေရာမှာ တစ်ခုခုပါရင် ရပါတယ်၊ ဒါကခေါ်ဝေါ်ရုံမျှသာပါ။ လိုရင်းက ပို့ပေးရမယ့်လိပ်စာ လေး မှန်ဘို့ပါပဲ။ ဒါဆိုရပါပြီ။ အလှူခံနိုင်ကြပါတယ်...။

တချို့က ဘုန်းကြီးကို ဒီလိုလှူတာ သေဌေးနဲ့တူပါတယ် ဆိုတာလဲ ရှိကြလိမ့်ဦး မယ်။ ဘုန်းကြီးသေဌေး မဟုတ်ပါ...။ ဘုန်းကြီးအိတ်ထောင် နှစ်ဖက်လုံး ပိတ်ထား ပါတယ်၊ အ၀င်လည်း မရှိပါ အထွက်လည်းမရှိပါ ယခုအလှူဆို လက်ဆယ်ချောင်း နှင့် နှိပ်ရုံသာ။

ယခု တရားသဘောလေးပြောပါ့မယ်...အလှူခံရမှာ ရှက်စရာကြီး ဆိုတာရယ် အလှူခံရှိမှ ဒါနဖြစ်တယ်ဆိုတာရယ်...

ဘုန်းတော်ကြီးများ ရဟန်းခံ သာမဏေ၀တ်ပြီ ဆိုကထဲက ဆရာဘုန်းကြီးများက သင်ပေးလိုက်ပါတယ်၊ သင့်မှာရှိတဲ့ ကိုယ်ပိုင်သပိတ်နဲ့ သင် အလှူခံစားရမယ်လို့... မိမိနဲ့ ဆွေမတော် မျိုးမတော်သူတွေထံမှာ သပိတ်တစ်လုံးပိုက်လို့ အိပ်ပေါက်စေ့ လှူလိုမှန်းမသိ မလှူလိုမှန်းမသိနဲ့၊ မျက်နှာလေး အောက်ချ မိမိမှာ ရှိရှိသမျှ မာနတွေခွါပြီး အလှူခံစားနေရသူ ရဟန်းသံဃာတော်များရဲ့ဘ၀၊ ရှက်ရွံ့မှုတွေ ဘယ်လောက်ရှိကြမလဲ စဉ်းစားကြည့်ကြပါ ဒကာဒကာမတို့၊ သူတော်ကောင်းဓါတ် ကိန်းတော်မူကြတဲ့ ဘုန်းတော်ကြီးများဟာ ဒီအသိလောက်နဲ့တင်ကို သူတို့မှာ ရှိကြတဲ့ မာနတရားတွေ အလွှာလိုက် အလွှာလိုက် ကွာကျသွားစေပါတယ်။

အလှူခံပုဂ္ဂိုလ်တွေ အမျိုးအားဖြင့် ၁၄-မျိုးရှိပါတယ်... ၁၄-မျိုးထဲက တစ်မျိုးမျိုးနဲ့ တွေ့မှသာ ဒါနတစ်ခု ဖြစ်ကြရပါတယ်။ ဒါ့ကြောင့် ဒို့လို အလှူခံပုဂ္ဂိုလ်တွေ ရှိဘို့ အရေးကြီးပါလားလို့ သိပေးပါ...။ ဒါကြောင့် သင် ယခု အလှူခံပါ...။

ဒီအလှူခံ ပုဂ္ဂိုလ်တွေထဲမှာ သီလ သမာဓိ ပညာ ပြည့်ဝသူများဟာ အကောင်းဆုံး အလှူခံတွေပေါ့...။ သီလ သမာဓိ ပညာ ပြည့်ဝသောသူများဟာလည်း၊ မြတ်ဗုဒ္ဓ သာသနာမှာပဲ ရှိပါတယ်။ ရှာနိုင်ကြပါစေ...။ လွယ်ကူစွာ တွေ့နိုင်ကြပါစေ...။

တကယ်လို့များ ဒကာဒကာမတို့ဘက်က အလှူခံပြီး... ဘုန်းကြီးဘက်ကများ လှူဒါန်းမှု မပြုခဲ့သေးသော်...
ဒီလိုလေး သိပေးလိုက်ပါ ဒီဘုန်းကြီး အနားယူသွားပေါ့...
မြတ်ဗုဒ္ဓက ဆုံးမထားတယ်လေ...ဘုန်းကြီးတို့မှာ ရရှိထားတဲ့ ဒီခန္ဓာက မမြဲဘူး ဆင်းရဲတယ် အစိုးမရဘူးလို့...

ဟိုရေးဒီရေးနဲ့ စာရေးမကောင်းတော့ ပျင်းနေလိမ့်မယ်...ရီစရာဖြစ်အောင် ကိုယ့်အကြောင်းတော့ ကြွားထားလိုက်ပါဦးမယ်...

အညာသား (ကျပ်မပြည့်) ဆိုတော့ အစက အသားက ဖြူညိုညိုပါ...ခု အေးတဲ့ဒေသ ရောက်လာတော့ အသားလေးက ၀ါလာပြီလေ...ဘုန်းကြီးဆိုတော့ ပိုလှလာပြီလို့တော့ မဆိုလိုပါဘူးနော်...

အားလုံး စိတ်ချမ်းသာကြပါစေ...ဒုက္ခဆင်းရဲကင်းဝေးကြပါစေ...

ဦးလောကနာထ
(၄.၂၄.၂၀၀၉)

ဘုန်းဘုန်း နှင့် ဘုန်းဘုန်းရဲ့ ဒကာ၊ ဒကာမများ၏ ဒါနပါရမီ ဖြည့်ဆီးမှုအပေါ် ကြည်ညိုလေးစားမိပါသောကြောင့် ဒီပို့ စ်ကို လက်ဆင့်ကမ်းဝေမျှခြင်းဖြစ်ပါသည်။ ဘုန်းဘုန်းထံ ဆက်သွယ်အလှူခံလိုပါလျင် lawkanartha@gmail.com သို့  အီးမေးလ်ပို့ ၍ (သို့ ) www.lknt.org ဆိုက်ရှိ cbox တွင် စာရေးသားထားခဲ့ခြင်းဖြင့် ဆက်သွယ်အလှူခံနိုင်ကြပါတယ်ခင်ဗျား။

ဝိမုတ္တိသုခ

နဂါးရုံဘုရားကတော့ ထိုင်းနိုင်ငံမှ ပညာဇာနည် ဆိုဒ်ပိုင်ရှင် (9-April)နေ့ဖွား နောင်တော်ဦးပညာမှ ကောင်းမှု ကုသိုလ် ပြုလေ့ရှိသော ညီမတော် ကိုးကွယ်ရန် ဆင်းတုတော်လှူဒါန်း ပေးသနားတော်မူခဲ့တာဖြစ်ပါတယ်။ ထူးဆန်းတာ ကတော့ နဂါးရုံဘုရားကြွရောက်လာပြီးနောက်ပိုင်းတွင် အခန်းသို့ မြွေ (မြွေစိမ်းနှင့် မြွေဟောက်စပ်ပေါက်သည် ဟု ထင်ရသော လုံးပတ် လက်သန်းခန့်၊ အရှည်တစ်တောင်ခန့်အရွယ် အစိမ်းရောင်နှင့် အမဲစပ်ကြား ပါးပြင်းထောင်လျှက်) ငါးကြိမ်တိုင်တိုင် လာရောက်ခဲ့ပြီး ဘုရားစဉ်အနီး တဝဲလည်လည် ရှိခဲ့ဖူးပါတယ်။ တိုက်ဆိုင်သွားတာဖြစ်မှာပါ။

(ဒီအကြောင်းလေးကို ပိုစ့်ရေးရင်ကောင်းမလားလို့တော့ စိတ်ကူးကြည့်မိပါသေးတယ်။ လောလောဆယ် မပြီးသေးတဲ့ ဘဝဇာတ်ခုံ ကို ဆက်လက်ရေးဖို့ တာဝန်က ရှိနေတာမို့ နောင်များမှ သာ....)

မြတ်စွာဘုရားပုံတော်ကတော့ ရွာဦးကျောင်းကိုယ်တော်တို့ရဲ့ ဓညဝတီရခိုင်ပြည်မှ မဟာမြတ်မုနိ ရုပ်ပွါးတော်၏ ပုံတော် ဖြစ်ပါတယ်။ မြောက်ဦးသို့ အလုပ်ကိစ္စဖြင့် ခရီးထွက်ခဲ့စဉ်က ပုံတော်ကို ဝယ်ယူကာ ရန်ကုန်ရောက်မှ ဓာတ်ပုံဆေးသားဖြင့် ပြန်လည်ပုံဖော်ထားသော ပုံတော်ဖြစ်ပါတယ်။

နွေ မိုး ဆောင်း မြဘုရား သုံးဆူကတော့ ခေတ္တ လာရောက် သီတင်းသုံးနေတာ ဖြစ်ပါတယ်၊ အဘယ်ကြောင့်ဆိုသော် နယ်သာလန်နိုင်ငံသို့ သွားမည့် အစ်မ မသန္တာက မသွားခင် ဘုရားစဉ်ပေါ် တင်ထားပါရစေလို့ ခွင့်တောင်းသောကြောင့် ယာယီ သီတင်းသုံးနေကြခြင်းဖြစ်ပါသည်။ (ထိုင်းနိုင်ငံတွင် မြဘုရားအား နွေ မိုး ဆောင်း ဝတ်ရုံတော်များ လဲလှည်ပေးသောကြောင့် ဤသို့ ခေါ်ဆိုကြပါသည်။)

ဓာတ်တော်များကတော့ ရဟန္တာ ရှင်သီဝလိဓာတ်တော်များဖြစ်ပါတယ်။ အစ်မ သစ္စာအလင်း အီတလီ၌နေစဉ်က ကျမရဲ့ ကျေးဇူးရှင်ထံသို့ ပေးပို့လှူဒါန်းခဲ့တာဖြစ်ပြီး ဓာတ်တော်အနည်းငယ်ကို ထပ်မံခွဲ၍ ပေးပို့သောကြောင့် ပူဇော်ထားခြင်း ဖြစ်ပါတယ်။

ကမာကုရဘုရား(ဂျပန်)ကတော့ မင်္ဂလာနှစ်လည်နေ့အမီ သံသရာအတွက် အကျိုးများစေဖို့ ရည်စူးကာ ကျေးဇူးရှင် ပေးပို့တာခဲ့တာ ဖြစ်ပါတယ်။ ဒီနှစ်တော့ ပိုက်ဆံအိတ်ပို့မယ်တဲ့ ပိုက်ပိုက်တွေ အများကြီးထည့်ဖို့ ထင်ပါတယ်။ :P

အခုတလော အလုပ်ကိစ္စလေးတွေနဲ့ရော ကုသိုလ်ရေးတွေ အတွက်နဲ့ပါ အလုပ်ရှုပ်လို့နေပါတယ်။ တနေ့တော့ ဘုန်းဘုန်းအရှင်ဇဝန ကို အွန်လိုင်းမှ မေးလျှောက်မိတာလေးကို မျှဝေလိုက်ပါတယ်ရှင်။ ကြွားတယ်လို့ မမြင်စေချင်ပါဘူးနော်။ အပျော်တွေကို မျှဝေနေတယ်လို့ နားလည်ပေးနိုင်ဖို့ ရိုးသားစွာ မျှော်လင့်ပါရစေ။

ခရစ္စတလ်။ ။ ဘုန်းဘုန်း တပည့်တော် ရဟန်းဘောင်တက်လိုတဲ့ မြန်မာတစ်ဦးကို သိမ်တက်လို့ ရနိုင်မယ့် ဘုန်းကြီးကျောင်းကို လိုက်ပါပို့ဆောင်ပေးလိုက်ပါတယ်ဘုရား။ ဘုန်းဘုန်း အဲဒါ ဘယ်လိုလေးများ ကုသိုလ် အကျိုးပေးတတ်သလဲဘုရား။ တပည့်တော်ကတော့ အခုလိုကူညီခွင့်ရတာကိုပဲ ဝမ်းမြောက်နေမိပါတယ်ဘုရား။

ဘုန်းဘုန်းအရှင်ဇဝန။ ။ဝေယျာဝစ္စဒါန ပြီတော့ သူများကို ရဟန်းခံနိုင်အောင်လုပ်ပေးတော့ နောင်ဘ၀မှာ မပူမပန်ရဘဲ ဒကာမလဲ သာသနဘောာင်ကို ဝင်နိုင်တာပေါ့။ သူများအခက်အခဲကို အောင်မြင်အောင်လုပ်ပေးတော့ သဒိသံပါကံ ဇနေတိဆိုတဲ့အတိုင်း တူသောအကျိုးပေးမှာပေါ့။ အခက်အခဲတို့ကို မတွေ့ရတော့တာပေါ့ ဖြစ်လေရာဘ၀တိုင်းလေ အလွန်မွန်မြတ်တဲ့ သာသနာပြုနည်းပါဘဲ ဒကာမရေ။

ခရစ္စတလ်။ ။ ဘုန်းဘုန်း ဖြေကြားပေးတဲ့အတွက် ကျေးဇူးတင်ပါတယ်ဘုရား။ ရိုသေစွာဖြင့် ဦးချကန်တော့ပါတယ်ဘုရား။

စာဖတ်သူများလည်း ကုသိုလ်ကောင်းမှုတွေ ဝမ်းမြောက်သာဓုခေါ်နိုင်ဖို့ ပုံလေးတွေကို တင်ပေးလိုက်ပါတယ်နော်။ ကျွန်တော် ကျမတို့ ဇနီးမောင်နှံ၏ အစမထင်တဲ့ သံသရာမှ ပြုခဲ့ဖူးသမျှသော ကုသိုလ်ကောင်းမှု အစုစုတွေကို အမျှ အမျှ အမျှ ပေးဝေငှပါသည် ဝမ်းမြောက်ဝမ်းသာစွာဖြင့် သာဓု သာဓု သာဓု ခေါ်ဆိုနိုင်ကြပါစေ။

နှစ်သစ်မှာ ရွှင်လန်းချမ်းမြေ့ကြပါစေ။