သတ္တဝါအပေါင်း စိတ်ချမ်းသာ၊ ကိုယ်ကျန်းမာကြပါစေကြောင်း ဆုတောင်း မေတ္တာပို့သပါတယ်.........

Tuesday, March 16, 2010

အသွားမတော် တစ်လှမ်း။

၂။ တည်းခိုခန်းများတွင် အလုပ်ဆင်းရသော လိင်ဖျော်ဖြေရေး မိန်ကလေးများ
အခန်း နေရာ တစ်ခုတွင် အလုပ်ဆင်းရသော မိန်းကလေးများကို တည်းခိုခန်းများတွင် အလုပ်ဆင်းရသော မိန်းကလေးများထဲတွင် စာရင်းသွင်းလိုက်ရပါသည်။ အခန်းနေရာ ဆိုသည်မှာ ထရံကာ ဓနိမိုးမှ အဆင့်မြင့်တည်းခိုရိပ်သာများအထိ ပါဝင်ပါသည်။ ထိုထက်အဆင့်မြင့်စွာသော နေရာများလည်း ရှိပါသေးသည် သို့ပါသောလည်း မိမိလေ့လာဖြစ်သည်မှာ နွမ်းပါးစွာ အသက်မွေးဝမ်း ကျောင်းနေကြသော မိန်းကလေးများ ဖြစ်ပါသည်။
ယင်းဧည့်ရိပ်သာများ တည်းခိုခန်းများနှင့် လိင်ဖျော်ဖြေရေးကို အဓိကထားကာ လုပ်ငန်းလုပ်ကိုင်နေကြသော နေရာအားလုံးတွင် သူဋ္ဌေး အမျိုးသားသော်လည်းကောင်း၊ အမျိုးသမီးခေါင်းဆောင် တစ်ဦးဦးသော လည်းကောင်း အုပ်ချုပ်လေ့ရှိပါသည်။ ထိုနေရာ အများစုကို ယောက်ျားလေးတိုင်းတိုင်းလိုလို သိကြလေ့ ရှိကြပါသည်။ ဝါးထရံကာ နေရာများတွင် ဧည့်သည်နှင့်မိန်းကလေးတို့၏ အခန်းအပြင်မှ ချောင်းကြည့်ခများကိုပင် အခကြေးငွေယူသော လုပ်ငန်းများကိုလည်း တွေ့ရတတ်သေးသည်။
လိင်ဖျော်ဖြေရေး မိန်းကလေးများသည် (15)မိနစ်၊ နာရီပိုင်းမှ တစ်နေ့တာအထိ တာဝန်ထမ်းဆောင် ဖျော်ဖြေပေးရပါသည်။ သတ်မှတ်ချိန်ပြည့်လျှင် ကျသင့်ငွေ ရှင်းပေးရပါသည်။ လမ်းမပေါ်တွင် ကိုယ်တိုင် ဖောက်သည်ရှာရသော မိန်ကလေးများသည် တည်းခိုခန်းများသို့ သွားကာ အလုပ်ဆင်းရတာမျိုးလည်း ရှိတတ်ပါသည်။
မိန်းကလေးများသည် ဧည့်သည်အလာများသော နေ့ရက်များတွင် စိတ်ပိုင်းဆိုင်ရာနှင့် ရုပ်ပိုင်းဆိုင်ရာအတွက် သူမတို့၏ နီးစပ်ရာပတ်ဝန်းကျင်တွင် ရနိုင်သော ဆေးများကို  သုံးစွဲကြပါသည်။ တားဆေးများစားခြင်းနှင့် ထိရောက်သော လိင်ပိုင်းဆိုင်ရာ ရောဂါကူးစက်မှုများကို ကာကွယ်ရန်အတွက် မည်သည့် နည်းလမ်းကိုမှ ပုံမှန် သုံးစွဲသည်ဟူ၍ မတွေ့ရပါ။ အလုပ်ချိန်ပြီးဆုံးချိန်တွင် အမျိုးသမီး မအင်္ဂါအတွင်းသို့ ဆပ်ပြာဖြင့် ဆေးကြောခြင်းများကိုသာ ပြုလုပ်လေ့ရှိကြပါသည်။ အများအားဖြင့် အမျိုသားသုံးကွန်ဒုံးများကို ကြေညာကပ်ထားခြင်းနှင့် သုံးစွဲရန်သိကြပါသောလည်း မြန်မာနိုင်ငံ၏ လူအများစုနေထိုင်ရာ ကျေးလက်ဒေသနှင့် နယ်မြို့များတွင် နေထိုင်သော ယောကျာ်းအများစုသည် ကွန်ဒုံးသုံးစွဲခြင်းကို လက်မခံလိုကြပေ။ မြန်မာနိုင်ငံမှ ပညာတတ်လက်တစ်ဆုပ်စာ လူတန်းစားများသာ မိသားစုကို မလိုလားအပ်သော ရောဂါများ ကူးစက်နိုင်ခြင်းကို ကြောက်လန့်၍၄င်း၊ ဂုဏ်သိက္ခာပိုင်းဆိုင်ရာအရ ထိခိုက်နိုင်ခြင်းကြောင့်၎င်း ကွန်ဒုံးကို သုံးစွဲကြခြင်းဖြစ်သည်။ ကာကွယ်ရန် သိလျက်နှင့် ထိရောက်စွာကုသမှုခံယူဖို့ အကြောင်းအမျိုးမျိုးဖြင့် မကုသကြသော မိန်းကလေးများ၊ လွဲမှားသော ကုသမှုများနှင့် နောက်ဆုံးတွင်တော့ AIDS ရောဂါဆိုးကြီးကို ခံစားကြရတော့သည်။ ထိုမိန်းကလေးများထံသို့ သွားကြသော ယောက်ျားတိုင်း သည်လည်း ကြိုတင်ကာကွယ်မှုများ မပြုလုပ်ခြင်းများကြောင့် နိုင်ငံနှင့်အဝှမ်းပင် ဖြစ်ပါသည်။ လိင်ပိုင်းဆိုင်ရာပတ်သက်သော မနှစ်မြို့ဖွယ်အဖြစ်နှင့် အိမ်ထောင်သည် ယောကျာ်းများသည်ပင် ကွန်ဒုံးကို ဝယ်ခြင်း၊ လက်ဝယ်တွင်ကိုင်ဆောင်ရန် များစွာ ရှက်ရွံ့ဝန်လေးနေကြခြင်း၊ သားဆက်ခြားရန်နှင့် လိင်မှ တဆင့် ကူးစက်သော ရောဂါများကို ကာကွယ်ရန်အတွက် အထောက်အကူပစ္စည်းအဖြစ် စိတ်ဝယ် မမြင်နိုင်ခြင်းများကြောင့် မလိုလားအပ်သော ဆုံးရှုံးမှုမျိုးစုံ ကြုံတွေ့နေခြင်းများ ဖြစ်ပေါ်လျက်ရှိနေပါသည်။
သို့ပါသောလည်း လိင်လုပ်သား မိန်းကလေးတိုင်းတွင် ကာလသားရောဂါအပါအဝင် လိင်နှင့်ပတ်သက်သော ရောဂါများသည် တနေ့တကြားတိုး၍ ဖြစ်ပွါးလျက်ရှိကြသည်။ လိင်လုပ်သားများမှ တဆင့် ၄င်းတို့နှင့် ပတ်သက်မိသောသူများ
         ထိုမှ တဆင့်
အိမ်ထောင်သည်အမျိုးသားများသည် မိမိတို့၏ အိမ်သူသက်ထားများထံသို့ ချစ်သက်လက်ဆောင်အဖြစ် ရောဂါဆိုးများကို တိတ်တဆိတ် သယ်ဆောင် လာကြလေသည်။ ထို့ကြောင့် မသိနားမလည်သော အိမ်ထောင်သည် အမျိုးသမီး များစွာနှင့် အပြစ်မဲ့ အနာဂတ်မျိုးဆက်သစ်တို့သည်လည်း ထိုရောဂါဆိုး၏ အမွေကို လက်ခံရရှိကြလေသည်။ ထို့ကြောင့် ရှေးလူကြီးများ အမှာစကား ထားခဲ့ကြတာက  
အသွားမတော် တစ်လှမ်း။
“ရေမြင့်မှ ကြာ တင့်မယ်”


2 comments:

ကိုလူထွေး said...

ကျယ်ကျယ်ပြန့်ပြန့် ပညာပေးနိုင်ဖို့ ကြိုးစားကြရပါအုံးမယ်...

မိုက်မဲလို့ခံရတာထက် မသိလိုက်လို့ ခံလိုက်ရသူတွေ ထပ်တိုးမလာဖို့အရေးကြီးတယ်လေ...

အလှတရား said...

ရေးပေးတာ ကျေးဇူးတင်ပါတယ်။ STD နဲ့ TB ဟာ အရေးကြီးတဲ့ မြန်မာ့ကိုယ်ပိုင် ပြဿနာကြီးနှစ်ခုလို့ ထင်ပါတယ်။ တခါ မြန်မာ့ယဉ်ကျေးမှုနဲ့ ကာလသားရောဂါ ပညာပေးနဲ့ အဟပ်မိဖို့ကလည်း မလွယ်ဘူး။ ဒီအကြောင်းအရာတွေကို လူကြားထဲ ပြောရတာ ထင်သလောက် မလွယ်ကူဘူး။ အရင်က လူမှုရေးနဲ့ ကာကွယ်ရေး ဆေးပညာက ဆရာ ဒေါက်တာ နေစိုးမောင်တို့ ပြောပြပုံအရ ကွန်ဒွန်းတွေကို တီဗီထဲကြေညာဖို့ ဆိုင်းဘုတ်တွေ စာစောင် မဂ္ဂဇင်းတွေမှာ ကြော်ညာသဘောမျိုးနဲ့ Public Desensitization လုပ်ချင်လို့ ခွင့်တောင်းတာကို မနှစ်သက်ကြဘူးလို့ ပြောတယ်။ ကျောင်းတုန်းက လက်တွေ့ကွင်းဆင်းတုန်းကတော့ ကွန်ဒွန်းကို ပူပေါင်းမှုတ်ပြ၊ မင်္ဂလာဆောင်မှာ ပူပေါင်းချိတ်သလို ချိတ်ပြ ဆော့ပြ၊ sample နဲ့ နမူနာပြကြ အဲဒီလိုလုပ်ပြပြီး လူတွေနဲ့ ကွန်ဒွန်းနဲ့ ရင်းနှီးအောင် မိတ်ဆက်ပေးကြတယ်။ အဲလိုစသည်ဖြင့် ကျောင်းသားတွေ ကိုယ့်ဖာသာ တနိုင်တပိုင် ပညာပေးကြတာလည်း ရှိတယ်။ အရေးအကြီးဆုံးက ၀ယ်ဖို့ လွယ်ကူဖို့ ကိစ္စပဲ။ ရန်ကုန်လို မြို့ကြီးမှာ condom ကို ၀ယ်ရတာ မထောင်းတာပေမဲ့ နယ်မြို့တွေမှာကျတော့ ၀ယ်ရတာလည်း ခက်တယ်၊ တချို့နယ်တွေမှာဆို လုံးဝလည်း မရောင်းတာမျိုး ရှိတယ်လို့ သိရတယ်။ အဲဒီတော့ အဲဒီလိုတွေ ဖြစ်ကြတာပေါ့။ ဒါပေမဲ့ ဒါဟာ ကိုင်တွယ်ဖြေရှင်းလို့ မရတဲ့ ပြဿနာတွေတော့ မဟုတ်ပါဘူး။ အကြောင်းအမျိုးမျိုးကြောင့် ခုလိုဖြစ်နေတဲ့ သဘောပါပဲ။