ရေးပေးတာ ကျေးဇူးတင်ပါတယ်။ STD (ကာလသားရောဂါ) နဲ့ TB ဟာ အရေးကြီးတဲ့ မြန်မာ့ကိုယ်ပိုင် ပြဿနာကြီးနှစ်ခုလို့ ထင်ပါတယ်။ တခါ မြန်မာ့ယဉ်ကျေးမှုနဲ့ ကာလသားရောဂါ ပညာပေးနဲ့ အဟပ်မိဖို့ကလည်း မလွယ်ဘူး။ ဒီအကြောင်းအရာတွေကို လူကြားထဲ ပြောရတာ ထင်သလောက် မလွယ်ကူဘူး။ အရင်က လူမှုရေးနဲ့ ကာကွယ်ရေး ဆေးပညာက ဆရာ ဒေါက်တာ နေစိုးမောင်တို့ ပြောပြပုံအရ ကွန်ဒွန်းတွေကို တီဗီထဲ ကြေညာဖို့ ဆိုင်းဘုတ်တွေ စာစောင် မဂ္ဂဇင်းတွေမှာ ကြော်ညာသဘောမျိုးနဲ့ Public Desensitization လုပ်ချင်လို့ ခွင့်တောင်းတာကို မနှစ်သက်ကြဘူးလို့ ပြောတယ်။ ကျောင်းတုန်းက လက်တွေ့ ကွင်းဆင်း တုန်းကတော့ ကွန်ဒွန်းကို ပူပေါင်းမှုတ်ပြ၊ မင်္ဂလာဆောင်မှာ ပူပေါင်းချိတ်သလို ချိတ်ပြ ဆော့ပြ၊ sample နဲ့ နမူနာပြကြ အဲဒီလိုလုပ်ပြပြီး လူတွေနဲ့ ကွန်ဒွန်းနဲ့ ရင်းနှီးအောင် မိတ်ဆက်ပေးကြတယ်။ အဲလိုစသည်ဖြင့် ကျောင်းသားတွေ ကိုယ့်ဖာသာ တနိုင်တပိုင် ပညာပေးကြတာလည်း ရှိတယ်။ အရေးအကြီးဆုံးက ၀ယ်ဖို့ လွယ်ကူဖို့ ကိစ္စပဲ။ ရန်ကုန်လို မြို့ကြီးမှာ condom ကို ၀ယ်ရတာ မထောင်းတာပေမဲ့ နယ်မြို့တွေမှာကျတော့ ၀ယ်ရတာလည်း ခက်တယ်၊ တချို့နယ်တွေမှာဆို လုံးဝလည်း မရောင်းတာမျိုး ရှိတယ်လို့ သိရတယ်။ အဲဒီတော့ အဲဒီလိုတွေ ဖြစ်ကြတာပေါ့။ ဒါပေမဲ့ ဒါဟာ ကိုင်တွယ်ဖြေရှင်းလို့ မရတဲ့ ပြဿနာတွေတော့ မဟုတ်ပါဘူး။ အကြောင်းအမျိုးမျိုးကြောင့် ခုလိုဖြစ်နေတဲ့ သဘောပါပဲ။
မှန်ပါတယ်ဆရာ၊ ကွန်မန့်လာရောက်ပေးခဲ့အတွက် အထူးကျေးဇူးတင်ပါတယ်။ နေရာတိုင်းမှာ လွယ်ကူစွာ ဝယ်ယူနိုင်ရေးနဲ့ ဝယ်ယူရာတွင် အဟန့်အတားမရှိနိုင်အောင် ထိရောက်စွာ အကောင်အထည် မဖေါ်နိုင်ကြသေးဘူးလေ။ ကြိုးစားနေကြတဲ့ အဖွဲ့တွေတော့ ရှိနေကြပါတယ်။ ဒါပေမယ့် ကြိုးစား နေကြ တုန်းပါပဲ။ အခမဲ့ဖြန့်ပေးတဲ့ အဖွဲ့အစည်းတွေလည်း ရှိနေကြပါတယ်။ သို့သော်လည်း ကျယ်ကျယ် ပြန့်ပြန့်တော့ မလုပ်နိုင်ကြသေးပြန်ဘူး၊ နည်းစနစ်မှန်ကန်စွာနဲ့ သုံးစွဲနိုင်ရေးကလည်း အလွန် အရေးကြီးပါတယ်။ ဒါတွေက အဓိက လိုအပ်ချက်တွေဖြစ်နေပါတယ်။ ဘာပဲဖြစ်ဖြစ် သိတဲ့သူတွေက နီးစပ်ရာ ပတ်ဝန်းကျင်ကို လက်ဆင့်ကမ်း ကူညီကြနိုင်ကြစေပါလို့ ဒီဆောင်းပါးလေးမှ တဆင့် တိုက်တွန်းပါစေရှင်။ ထပ်မံရေးသားမည့် ပိုစ့်များတွင်လည်း လိုအပ်ချက်နှင့် လူထုအကျိုး ရှိစေဖို့ရန် ရည်ရွယ်ချက်ဖြင့် ရေးသားသွားမှာ ဖြစ်ပါတယ်။
ထို့အပြင် ဘဝဇာတ်ခုံဆောင်းပါးလေး စရေးစဉ်ကတည်းက လာရောက် အားပေးသူများ ကို၎င်း၊ ကွန်မန့်ပေးကြသူများကို၎င်း၊ ကိုလူထွေးအပါအဝင် ဘလော့ဂါများအားလုံး ကို၎င်း၊ တိတ်တဆိတ် လာရောက်လည်ပတ်သူများ အားလုံးကို၎င်း၊ ရေးသင့်ကြောင့် တိုက်တွန်းအားပေးသော စာဆို ကဝိ နာမည်ကျော် ဘာဘာ တစ်ဦးနှင့် ကျမ၏ ကျေးဇူးရှင်ကို၎င်း အထူးပင် ကျေးဇူးတင်ပါတယ်။ ထိုပီတိတို့ကြောင့် ဆောင်းပါးများကို ဆက်လက် မျှဝေ တင်ဆက်ပေးပါမည်ဖြစ်ကြောင်း အသိပေးအပ်ပါတယ်ရှင်။
“မေတ္တာဖြန်းမှ လန်းဆန်းမယ်”
No comments:
Post a Comment