ပျားဘုရင်မ

စက်ချုပ်ရန်၊ ဂေဟာများကို ပို့ပေးရန်၊ ပညာသင်ရန် စသည်တို့ ဘာမျှမလို။ မိမိတို့သည် လိင်ဖျော်ဖြေရေးလုပ်ငန်းကို အသက်မွေးဝမ်းကြောင်းအဖြစ် အဓိကထား လုပ်ကိုင်သော သူများ ဖြစ်ကြပါသည်။ မိမိတို့၏ ကျန်းမာရေးကို အထူး ဂရုစိုက်၏၊ ဧည့်သည်များကို ဖျော်ဖြေရာတွင် စိတ်ကျေနပ်မှုရှိစေရန် အဓိကထားဆောင်ရွက်ပါသည်။

လုပ်ငန်းတစ်ခု၏ ဆောင်ပုဒ်သဏ္ဌာန်ပုံစံမျိုးအပြင် သူမ၏ အလှအပနှင့် ကျော်ဇော ထင်ရှားမှုတို့ကြောင့် သူမနှင့် ဆုံတွေ့ရန် ကြိုးစားရပါတော့သည်။ သူမကို “ပျားဘုရင်မ”ဟု တင်စားကြသည်။ ပျားဘုရင်မဟု ခေါ်ရတဲ့အကြောင်းကတော့ စာဖတ်သူများ စဉ်းစားတွေးတောကြည့်နိုင်မည်ထင်ပါတယ်။ ပျားဘုရင်မတို့၏ သဘာဝနှင့် ထို့အပြင် သူမ၏ လိင်ဖျော်ဖြေရေး ကျွမ်းကျင်မှုများကို ဆက်နွယ်ပတ်သက်၍ ထိုဘွဲ့နာမည်ဖြင့် ကျော်စောထင်ရှားသူ ဖြစ်လာလေသည်။ သူမသည် ငွေကြေး ချမ်းသာကြွယ်ဝခြင်း၊ လှပကျော့ရှင်းခြင်း၊ လုပ်ငန်းတစ်ခုထက်မက ပိုင်ဆိုင်သော လုပ်ငန်းရှင်တစ်ဦး ဖြစ်နေပြန်သည်။ ထို့ကြောင့် သူမနှင့် တွေ့ခွင့် စကားပြောခွင့် ရဖို့ ရင်ခုန်စွာ စောင့်စားကာဖြင့် တနေ့တွင် သူမနှင့် စကားပြောဖြစ်ကြသည်။ ထို့အပြင် သူမသည် ဆယ်တန်းအောင်စဉ်က စက်မှုတက္ကသိုလ်တက်ရန် အမှတ်မီခဲ့ခြင်း၊ သူမ ပြုဖူးသော ကုသိုလ်တရားများနှင့် ဘာသာရေးခံယူချက်ကိုပါ တအံ့တသြနှင့် သိခဲ့ရပြန်ပါသည်။ တွေ့ဖူးခဲ့သော မိန်းကလေးများစွာနှင့် ကွဲပြားခြားနာစွာပင် မှန်သော စကားကို ဆိုခြင်း၊ ရဲရင့်စွာ အမှန်တရားကို ရင်ဆိုင် လက်ခံတတ်ခြင်းတို့က သူမဘဝကို အရောင်အဝါ တောက်ပစေသည်။

သူမကို သူ့ပတ်ဝန်းကျင်က “မမ” ဟု တရိုတသေခေါ်ကြလေသည်။ သူမထက် ကျမ၏ အသက်က အနည်းငယ်မျှ ငယ်နေသောကြောင့် သူများတွေ ခေါ်သလို “မမ”ဟူ၍ ခေါ်သောအခါ......“အိုး ...အိုင့်ကို မမ လို့ ခေါ်ဖို့မလိုဘူးလေ၊ ဒီပတ်ဝန်းကျင်မှာက ဒီအခေါ်အဝေါ် အသုံးအနှုန်းနဲ့ အလုပ်သဘောအရ ခေါ်နေကြတာပါ၊ အေးအေးဆေးဆေး သက်တောင့် သက်သာ စကားပြောကြတာပေါ့နော့” တဲ့။ ဟုတ်ပါသည် သူမရှေ့မှာ ဘာကိုမှန်းမသိ လွှမ်းမိုးမှုတစ်ခု ခံနေရသလို ခံစားနေရလေသည် ဒါဟာ သူမ၏ ထင်ရှားကျော်စောမှုကြောင့်လည်း ဖြစ်နိုင်ပါတယ် နောက်ပြီး သူမလို အမျိုးသမီးကို စကားပြောရန် သတိများစွာ ထားနေရခြင်းကြောင့်လည်း ဖြစ်နိုင်ပါတယ်။ ဒီလိုနဲ့ ကျမသိပ်မေးစရာမလိုပဲ သူမ၏ ဘဝအကြောင်း၊ သူမ၏ ဖျော်ဖြေရေးလုပ်ငန်း အောင်မြင်ခြင်း သော့ချက်များ၊ သူမ၏ ဘဝပန်းတိုင် စသည်များကို စိတ်ရှည်လက်ရှည်ဖြင့် ဧည့်သည်များကိုပင် လက်မခံပဲ ကျမကို အချိန်ပေးခဲ့ခြင်း အတွက် အလွန်ကျေးဇူးတင်မိပါသည်။ သူမ အပန်းဖြေအနားယူလေ့ရှိသော နေချင်စဖွယ် ခြံဝန်းလေးနှင့် တစ်ထပ်တိုက်ပုလေးတွင် သူမ မျှဝေသော ဗဟုသုတများစွာကို ရရှိခဲ့ပါသည်။

သူမ၏ ဘဝအစ။

ဥာဏ်ထက်တဲ့ မိန်းကလေးဖြစ်လို့ မိဘများက ပညာရေးကို အထူး အလေးပေး ကြသည်။ တစ်ဦးတည်းသော သမီးဖြစ်တာကြောင့် မိသားစု စားဝတ်နေရေးလည်း ဖူလှုံပါသည်။ မိဘများက နယ်မြို့တစ်ခု၏ တည်းခိုခန်းတွင် သမာအာဇီဝဖြင့် အသက်မွေးသော ဝန်ထမ်းများဖြစ်ပါသည်။ ဖခင်က တည်းခိုခန်းတွင် လျှပ်စစ်မီးပြင်၊ ခြံရှင်းရ၏။ မိခင်မှာ သန့်ရှင်းရေး တာဝန်ယူရလေသည်။ သူမငယ်စဉ်က တည်းခိုခန်း၏ ဝန်ထမ်းအိမ်ယာတွင် နေထိုင်ခဲ့သောလည်း တည်းခိုခန်းသည် မည်သို့သော သူများလာသည် တည်းခိုသည်ကို သူမ မသိခဲ့ပါ။ သူမ၏ ပတ်ဝန်းကျင်ကို အဓိပ္ပါယ်ဖွင့်ပြသူမှာ သူမ၏ ချစ်သူ ဆရာဝန်လောင်းလေးတစ်ဦး ဖြစ်ခဲ့ပါသည်။ သူမ၏ ကြေကွဲခြင်းများကို ယခုလို ကြားသိခဲ့ရပါတယ်။

အိုင်တို့နှစ်ယောက် ဒီမြို့က ကျောင်းမှာ ရှစ်တန်းနှစ်ကတည်းက စာကြိုးစားကြတာလည်း အတူတူ၊ မွေးလလည်း အတူတူ၊ စိတ်ထားလည်း တူ၊ ဒါပေမယ့် မတူနိုင်တာက ဘဝပါပဲ။ သူက ပညာတတ်မိသားစုက ပေါက်ဖွားခဲ့ တာဖြစ်ပြီး အိုင်ကတော့ တည်းခိုခန်းတစ်ခုက ဝန်ထမ်းသားသမီးဖြစ်နေခဲ့တာပါ။ ဆယ်တန်းနှစ်မှာ ချစ်သူဖြစ်ကြပြီး အမှတ်စာရင်းတွေ ထွက်တော့ အိုင်တို့ လမ်းခွဲဖြစ်ခဲ့ကြတယ်။ လမ်းခွဲရတဲ့အကြောင်းကတော့ အိုင့်ပတ်ဝန်းကျင်ကို စွန့်ပြီး တခြားနေရာကို ပြောင်းမယ်ဆိုရင် အနာဂတ်လမ်းက လှပနိုင်မယ်၊ ဒီအတိုင်းနဲ့တော့ မဖြစ်ဘူးလို့ ပြောလာတော့ အိုင့်မှာလည်း မာနတွေ တပုံတပင်နဲ့ ဒီအတိုင်း ဆက်မချစ်နိုင်ရင် ဖြတ်လိုက်လို့ ပြောတဲ့အခါ ကောင်းပြီလေတဲ့။ ဒါနဲ့ အိုင်တို့ နှစ်ယောက်ပြတ်သွားခဲ့တယ်။ ဒါပေမယ့် အိုင် သူ့ကို သိပ်ချစ်ခဲ့ပါတယ်။ နောက်ပိုင်း သူဆရာဝန်ဖြစ်တော့ ရပ်ကွက်ဆေးခန်းဖွင့်သေးတယ်။ အိုင်လည်း ရွဲ့ပြီးဆေးခန်းသွားပြလိုက်သေးတယ်။ အဲဒီတော့ သူက ညီမ ဘာဖြစ်သလဲပြောတဲ့။ တကယ်ပါ အတော်နူးညံ့တဲ့သူ။ အိုင်ကတော့ အချစ်နဲ့ စတေးပြီး ဘဝဟာ မာကျော ခါးသက်သွားတော့တယ်။ ဘဝအမှန်ကို သူက ချပြလိုက်ပုံက...သူက လေးဘာသာဂုဏ်ထူးနှင့် ဆရာဝန်လောင်းဘဝကို ရောက်မယ့်သူဖြစ်ခါ သူမက နှစ်ဘာသာဂုဏ်ထူးအမှတ်နှင့် စက်မှုတက္ကသိုလ်ကို တက်ကြမယ်ဆိုတော့ တည်းခိုခန်းမှာ အလုပ်လုပ်နေတဲ့ မိဘများကို အလုပ်ပြောင်းခိုင်းတယ်။ ဒါဟာ မလွယ်တဲ့ ကိစ္စပဲ ဖခင်က သူ့ သူဋ္ဌေးအပေါ်ကျေးဇူးတွေ ရှိလို့ အလုပ် လုပ်ကိုင်နေတဲ့သူဖြစ်တယ်။ တစ်နေ့ ဒီမှာ ဆက်နေသွားမယ်ဆိုရင် သူများတွေက အပျိုလေးဖြစ်တဲ့ အိုင့်ကို ဒီလိုဖြစ်သွားနိုင်မယ်လို့ ပြောတယ်။ အိုင်ကလည်း ကိုယ်ကျင့်တရားကို စော်ကားလှချည်ရဲ့ဆိုပြီး နင် ဂုဏ်သိက္ခာကျမယ်ဆိုရင် ငါ့ကို ဖြတ်လိုက်လို့ ပြောလိုက်တာလေ။ နောက်မှ သိခဲ့ရတာက ပတ်ဝန်းကျင်ကြောင့် ကိုယ့်ဘဝ လမ်းမှားမှာ စိုးလို့ သတိပေးခဲ့တာပါ။ သူက အကြောင်းရင်းအမှန်ကို စိတ်ရှည်လက်ရှည် မရှင်းပြဖြစ်ပဲ အိုင့်ပတ်ဝန်းကျင်မှာ ဖြစ်နေတာတွေကို အိုင်သိတယ်အထင်နဲ့ ဘာမှ ရှင်းမပြခဲ့ဘူး။ အိုင်ကလည်း မိုက်ရူးရဲဆန်စွာ နာကျည်းတာတွေ မာနတွေ ပြည့်လျှံလို့ အဖြစ်မှန်ရဲ့ အဖြေကို မမြင်နိုင်ခဲ့ဘူး။ သူပြောတဲ့အတိုင်း အိုင်တနေ့ ဒီလိုဖြစ်ခဲ့ရင် သူဘယ်လိုမှ လက်မထပ်ဘူးတဲ့ ဒါကြောင့် အိုင် ဒီဘဝကို ရောက်ဖို့ ကိုယ်တိုင် နွံထဲကို ခုန်ချခဲ့တာဖြစ်ပါတယ်။ တကယ်တော့လည်း ဘဝဝဋ်ကြွေးပါလာခဲ့လို့လည်း ဖြစ်မှာပါ။ ချစ်သူကို ချစ်တဲ့ ချစ်ခြင်းကနေ အမုန်း ၊ ဒီအမုန်း အငြိုးအတေးတွေက ဘာလိုမှ မပြေနိုင်ခဲ့ဘူး၊ ဒါပေမယ့် မြတ်စွာဘုရားကိုတော့ အိုင်တကယ့်ကို ကြည်ညိုခဲ့တယ်၊ ဒါကြောင့် တရားစာအုပ်တွေ ဖတ်ဖြစ်တယ်။ မြတ်စွာဘုရားလက်ထက်တော်က ပြည့်တန်ဆာတွေ ကချေသည်တွေလည်း သောတာပန်တည်နိုင်ကြောင်းလည်း သိရရော အိုင် တရားအားထုတ်တဲ့ဆီကို ရောက်ခဲ့ဖြစ်တယ်၊ တရားအားထုတ်တော့ တရားကို သိလာရတယ်၊ တရားကို သိရတော့ တရားများ၏ ပိုင်ရှင်ဖြစ်သော မြတ်စွာဘုရားကို ပိုသိမြင်လာတယ် အရင်ကထက်ပင် ပိုကြည်ညိုလာတယ်၊ လမ်းပြပေးနေတဲ့ သံဃာတော်များကိုလည်း လေးစားကြည်ညိုမိတယ်။ ဒီစိတ်တွေဖြစ်လာတော့မှ  ရင်ထဲက အာဃာတတွေက ငြိမ်းအေး သွားရပါတယ်။

ဘဝဇာတ်ခုံ အခန်းဆက် ဆောင်းပါး

ဆက်လက်ဖော်ပြပါမည်....